Quarzmonzonit

Monzonite sind Plutonite (Tiefegstei), wo zäme mit de Syenite e eigeni, nöi verwandt Gruppe vo de Tiefegstei bilde. Typisch für die ganz Gesteinsgruppe isch e Riichtum an Feldspat bi gliichziitig relativer Armuet an Quarz. De chliini Quarzateil unterscheidet Syenite und Monzonite debi au grundlegend vom Granit.

Bezeichnige

Näbed de Bezeichnig Quarzmonzonit isch au no de Gesteinsname Adamellit verbreitet. Im Spanische heisst s Gestei «Monzonita de cuarzo».

Spezifischi Eigeschafte vom Quarzmonzonit

Hervorstechendi Eigeschafte vo Quarzmonzonite sind debi en annähernd gliich hooche Aateil an Alkalifeldspat und Plagioklas sowie en gegeüber gwöhnliche Monzonite öppis hööchere Quarzateil (meistens zwüsched 5 und 20 %). De Ghalt an dunkle Mineral (bim Quarzmonzonit Biotit und Hornblende) isch im Vergliich zu andere Monzonite meistens chliiner, Foide chömed bi Quarzmonzonite nöd vor.

D geologisch Wisseschafte ordnet Quarzmonzonite uf jede Fall de mesokrate Gestei zue (weder bsunders hell no bsunders dunkel gfärbt). D Farb vom Quarzmonzonit isch aber sehr hüüfig rosa bis rötlich.

In ihrer Textur ähnelled Quarzmonzonite durus Granit, s Gfüeg cha phaneritisch (grob genarbt) sii, ab und zue au an Porphyre erinnere. Im QAPF-Diagramm klassifiziert Adamellit bi 8.

S Vorkomme isch hüüfig an Granit und Granodiorit bunde. Bedütendi Vorkomme finded sich an mehrere Stelle in de USA (White Mountains, Atlanta, Maryland) und in Australie (Queensland). Es sehr iidrücklichs Vorkomme mit emene einzigartige Bild finded sich in Kangasala (Finnland). De dört gfunde Quarzmonzonit isch en Orbiculit, er stammt us emene Leitgschiebe und isch in sinere Form weltwiit einzigartig.

Entstehigswäg

Wie bi allne Tiefegstei vo spezieller Uusprägig isch au do d sogenannti magmatischi Differentation (s stufewiis Uuschristallisiere vo flüssige Gesteisschmälze und d Entstehig vo unterschiedlich zämmegsetzte Reschtschmälze) für d Entstehig vo Monzonite verantwortlich. Au Metasomatose (Ersetzige vo einzelne Bsestandteil vo Gestei dur anderi bi de Reaktioun mit heisse Fluide im Magma) chönd bi de Entstehig e Rolle spiele (nachträglichi Mineralisierig).

Verwendig

D Verwendig vo Monzonite entspricht wiitgehend de vom Granit, da au d technische Eigeschafte dene vom Granit durus vergliichbar sind.

Fazit

Schon Syenite und Monzonite sind e sehr interessanti Gruppe vo Tiefegstei, Quarzmonzonite nämed innerhalb vo dere Gruppe no einisch e Sonderstellig ii. Sie sind Granite scho sehr ähnlich – und wiised doch no einigi grundlegendi Underschied zu ihne uf.